Beñat Gaztelumendik irabazi du gaur Arrasaten Gipuzkoako Bertsolari Txapelketako finalaurrekoetako lehen saioa, eta finalera sailkatu da. 490,5 puntu lortu ditu.
Ondorengo sailkatuak: Agin Rezola (486), Alaia Martin (482), Felix Zubia (479,5), Iker Zubeldia (465) eta Iban Urdangarin (438). Uarkape pilotalekuan aritu dira. 17:30etik aurrera.
Txapelketako bigarren finalaurrekoa bihar izango da, Tolosan (Usabal kiroldegia, 17:30): Beñat Lizaso, Jexux Mari Irazu, Aitor Sarriegi, Unai Agirre, Nerea Elustondo eta Iñigo Izagirre.
Hirugarrena —eta azkena— abenduaren 4an, Hernanin (Galarreta kiroldegia, 17:30): Jokin Uranga, Amaia Agirre, Ainhoa Agirreazaldegi, Iñaki Apalategi, Iñigo Mantzisidor eta Jon Martin.
Finalerdietako hiru saioetako irabazleak, eta puntuazio altuena lortzen duten beste bost bertsolariak sailkatuko dira finalera. Abenduaren 18an izango da, Donostian, Ilunben.
Duela lau urte Aitor Mendiluze izan zen txapeldun. Aurten ez parte hartzea erabaki zuen.
