Samuel Becketten Endgame antzerki lanaren gaztelaniazko bertsioa, Final de partida, ikusteko aukera izango da gaur, bihar eta etzi, 20:00etan, Arriaga antzokian, Bilboko antzokiak berak Espainiako eta Kataluniako hainbat antzokirekin batera ekoitzia. Hauxe da Arriagak 2010-2011ko denboraldian aurkezten duen lehen koprodukzioa.
Zuzendariak, Krystian Lupa poloniarrak, Antzerkirako Europa Saria irabazi berri du. Obrak bizirik geratu diren lau pertsonaia erakusten ditu, mundu osoa hondatu duen desastre baten ondoan: Hamm itsu eta elbarri zinikoa (Jose Luis Gomez), Hammen zerbitzari Clov (Susi Sanchez), Hammen aita Nagg (Ramon Pons) eta Hammen ama Nell (Lola Cordon). Beckettek 1954 eta 1956 artean idatzi zuen, Gerra Hotzaren lehen urteetan, eta gizakiaren gainbehera fisiko eta espirituala islatu zuen.
Becketten 'Final de partida' emango du Arriagak hiru egunez
Bilboko antzokiaren denboraldiko lehen koproduzkioa da, Krystian Lupak zuzendua
Iruzkinak
Ez dago iruzkinik
Ordenatu
