Berri Txarrak taldearen webgunea hackeatu dute

MUSIKA. Berri Txarrak talde nafarraren webgunea hackeatu zuen atzo eguerdian Mehdi Sarray hackerrak. Pantaila beltz ikusten zen, erdian emakume baten irudi berde batekin, eta, ondoren, Tunisian hacker ezizenez sinatutako mezuarekin. Ordu batzuetara, arazoa konpondu eta webgunea martxan zen. «Gu isil gaitzakezu, gure kantuak ez», erantzun zion taldeak Sarrayri, Facebooken duen orri ofizialean.