Bertoluccik ohorezko saria jasoko du aurten Cannesen

ZINEMA. Bernardo Bertoluccik Cannesko zinema jaialdiko Ohorezko Urrezko Palma jasoko du maiatzaren 11n, jaialdia hasteko ekitaldian. Bertoluccik zinemaren historian «leku berezia» duela adierazi dute Thierry Fremaux jaialdiaren delegatu nagusiak eta Gilles Jacob zuzendariak, eta haren lanaren «inplikazio politiko eta soziala» gogoratu dute.