'BERTSOLARI', ARETOETARAKO BIDEAN

Gaur estreinatuko dute Hego Euskal Herriko zinema aretoetan Bertsolari, Asier Altunak (Bergara, 1969) ondu duen film dokumentala, baina atzo iluntzean, bertsolariaren figurara eginiko hurbilketa hau Bilboko Golem-Alondegia aretoan ikusteko aukera izan zen. Goizean, Maialen Lujanbio eta Andoni Egaña bertsolariek lagunduta aurkeztu zuen Altunak filma prentsarentzat, Bilbon, eta arratseko saiora Lujanbiorekin azaldu zen. Donostiako Zinemaldiko sail ofizialean baina lehiaketatik kanpo aurkeztu zuen Aupa Etxebeste!-ren egileak Bertsolari ,eta han oso harrera ona izan zuen filmak.