Nafarroako Gobernuaren arabera, “Nafarroan ongien gorde den eta azpimarragarriena den errepetismoa da bertsolaritza”. Hala, ondare materiagabe modura izendatu bezain laster, babesteko neurriak hartuko dituela adierazi du, “bertsolaritzaren fosilizazioa, autonomia galera eta lehiaketa eta ikuskizun testuinguruen gehiegizko nagusitasuna saihesteko”.
Nafarroako Bertsozale Elkarteak urte hasieran egin zuen izendapenerako eskaera, bertsolaritzak herrialdean historikoki izan duen eta egun duen garrantziaren inguruko informazioa helarazteko txostena aurkeztuta. Besteak beste, bertsolaritzaren alderdi historiko eta etnografikoak, errotze maila, komunitateen parte hartzea, bilakaera eta transmisio moduak nabarmendu zituen.
Udazkenerako bertsolaritzari ondare materiagabe izaera aitortzea espero du Nafarroako Bertsolari Elkarteak. Orduan, ondare bat gehiago izango da Lantzeko inauteriek, Ituren eta Zubietako inauteriek, Luzaideko Bolantek eta Cortesko makil dantzak osatzen duten zerrendan.
