BEZaren ondorioz, sarrerak garestiago, baina erraztasunekin

«Zinemaldiak ez du sarreren prezioa igo aurten ere, bi urte darama igo gabe, baina BEZaren igoeraren ondorioz sarrerak garestiagoak izango dira», adierazi zuen atzoko aurkezpenean Jose Luis Rebordinosek. Traba hori gainditzen laguntzeko, hamar sarrera edo gehiago erosten duenari %25 merkeago emango dizkiote sarrera horiek, eta, horrela, filmeko 5,25 euro baino ez du ordaindu beharko. Gazteentzako beste hainbat abantaila ere izango dira. Irailaren 14an jarriko dira salgai, 09:00etan, Sail Ofizialeko galetarako sarrerak; gainerakoak irailaren 16an, ordu berean.