"Etenaldi mugagabea" hasi aurretik, Iruñea Arenan eskainiko du azken kontzertua taldeak, azaroaren 23an. Asteazkenean jarri zituzten sarrerak salgai, eta berehala baieztatu zen taldearen agurrak piztu duen ikusmina. Txartel salmentarako webguneak ezin izan zion eutsi sarrerak erosi nahi zituen erabiltzaile erauntsiari.
3.000 sarrera inguru gelditu ziren saldu gabe, eta gaur goizean jarri dituzte horiek salgai. Zaleek azken kontzertu hori ez dutela galdu nahi agerian gelditu da, berriro ere. Bi ordutan agortu dira sarrera guztiak
Berri Txarrak @ Navarra Arena
— Berri Txarrak (@berritxarrak) 2018(e)ko abenduaren 23(a)
SARRERAK AGORTUTA- SOLD OUT#ikusiartetour2019
ðŸ™ÂÂðŸ»ðŸ™ÂÂðŸ»ðŸ™ÂÂðŸ»ðŸ™ŒðŸ™ŒðŸ™ŒðŸ‘ŠðŸ‘ŠðŸ‘Š pic.twitter.com/ZiBhIlpyVz
"Berri Txarrak-ekin ziklo ahaztezin bat ixteko garaia heldu dela sentitzen dut. Geratzeko beharra daukat, distantzia hartzekoa. Horren konplikatua eta sinplea da". Halaxe jakinarazi zuen Gorka Urbizu gitarrista eta abeslariak datorren urtean mende laurden beteko duen taldearen pausoa. 1994an sortu zuten, Lekunberrin (Nafarroa), Aitor Goikoetxeak (bateria), Mikel Lopez Rubio-k (baxua), Aitor Orejak (gitarra) eta Gorka Urbizuk, baina jatorrizko taldetik Urbizuk baino ez du segitzen gaur egun. Azkeneko urteetan, berriz, David Gonzalez (baxua) eta Galder Izagirre (bateria) izan ditu taldekide.
Aurten, martxoaren 17an, 10.000 lagunen aurrean jo zuen taldeak Barakaldoko (Bizkaia) BECen, eta, orain dela hilabete, azaroaren 3an, San Mames estadioan aritu zen milaka lagunen aurrean, MTVk antolatutako jaialdiaren barruan.