Bilbao, Casado da Rocha, Artola eta Lertxundi, Kilkerren Soka zikloan

Leire Bilbao, Anjel Lertxundi, Antonio Casado da Rocha eta Xabier Artola idazleek beren azken liburuak aurkeztuko dituzte, 111 Akademiak antolatutako Kilkerren Soka zikloaren hirugarren aldian. Lehen saioan, azaroaren 9an, Tolosan izango da Leire Bilbao, Scanner poema liburua aurkezten, Xabier Mendiguren Elizegi laguntzaile duela; hilaren 15ean Andoainen izango da Anjel Lertxundi Etxeko hautsa nobela aurkezten, Jorge Gimenez Bech laguntzaile duela; hilaren 22an Errenterian izango da Antonio Casado da Rocha, Esku ezkerraz poema liburua aurkezten, Oier Guillan laguntzaile duela; eta hilaren 24an Larrabetzun izango da Xabier Artola, Argi-itzalen neurria ipuin liburua aurkezten, Arantxa Urretabizkaia laguntzaile duela.