Bilboko Kafe Antzokiaren urtemuga ospatuko dute arratsaldean

Hamabost urte bete ditu gaur Bilboko Kafe Antzokiak, eta hori ospatzeko festa antolatu dute gaur arratseko 19:30ean. Xabier Leteri omenaldia egingo diote. Bideo baten bidez, Kafe Antzokia itxialdia jasan ondoren izan zuen irekieran Letek egin zituen hitzak emango dituzte besteak beste. Jan eta edana izango dela jakinarazi du Jabi Zabala bertako kideak. Jende ezagun ugari ere izango da bertan. Orokorrean abendu osorako antolatu dituzte ekitaldiak, eta musika talde ezagun asko izango dira bertan.

Duela hamabost urte helduen euskalduntze lanetan zebilen lagun talde batek, irakaskuntzaz harago pauso bat ematea erabaki zuen. Horrela, euskaldunek Bilbon bertan "euskararen herri hori" izateko aukera jarri nahi izan zutela diote. Erantzun bikaina jaso zuenez indar handiz segi zutela lanean ere badiote. Euskaldunak ez ezik, erdaldunak ere euskarara gerturatzeko lana egin du urte hauetan.