BISTAN DA OSTERA ERE

Gasteizko Foruen plazarako Eduardo Txillidak eginiko eskultura bistan eta herritarren eskura da ostera ere. Luis Peña Gantxegik eraikitako plaza birmoldatu egin dute, eta herenegun inauguratu zuten Gasteizko alkate Patxi Lazkozek eta Eusko Jaurlaritzako Kultura sailburu Blanca Urgellek, artisten seme-alabak, Luis Txillida eta Rocio Peña Gantxegi bertan zirela (argazkian, Urgell eta Txillida). Lanek iraun duten artean eskultura estalita egon da.