Bizkaiko kultur ondarea kudeatzeko enpresa sortu du Diputazioak

Batzar Nagusietan egindako bozketan onartu zuten atzo herrialdeko kultur ondarearen kudeaketaz arduratuko den Bizkaikoa enpresa sortzea. EAJren ekimenez eta PPren laguntzaz onartu zuten enpresa berriaren sorrera. Besteak beste, Bizkaiko Diputazioaren eskuduntzapean diren hamar museoen kudeaketaz arduratuko da Bizkaikoa. Proiektuari onespena eman zaiola jakin ondoren, Diputazioko LAB sindikatuak salatu egin zuen «kulturaren ondarearen kudeaketaren pribatizazioan» beste urrats bat dela.