Clair Dobbs aktorearen agenteak jakinarazi du gaur goizean Bob Hoskins pneumonia baten ondorioz hil dela. 71 urte zituen.
Hoskins (Ingalaterra, 1942) 60ko hamarkadaren amaieran hasi zen antzerki lanetan, baina 80ko hamarkadan egin zen ezagun mundu osoan, lehendabizi bere jaioterrian egindako filmei esker, eta ondoren AEBetako ekoizpenetan lortutako oihartzunagatik. Neil Jordanen aginduetara egindako Mona Lisa-k Oscarretarako izendapena eman zion, eta Robert Zemeckisekin egindako Who Frammed Roger Rabbit-ek, arrakasta handia.
Lan egin zuen Steven Spielbergekin (Hook), Oliver Stonerekin (Nixon), Atom Egoyanekin (Felicia's Journey) eta Jospeh Conraden eleberrian oinarrituta Christopher Hamptonek zuzendutako The Secret Agent-en.
