Bob Welch abeslaria hilik aurkitu dute

MUSIKA. Fleetwood Mac Erresuma Batuko rock taldeko abeslari eta gitarra jotzaile ohi Bob Welch (1946-2012, Kalifornia-Tennessee) hilik aurkitu zuten herenegun, bularrean tiro bat zuela, AEBetako Nashvilleko etxean. Poliziaren esanetan, Welchek bere buruaz beste egin zuen, hil aurretik eskutitz bat utzi zuelako. Abeslariak arrakasta handia lortu zuen 1977an Sentimental Lady abestiarekin.