Itxaro Borda idazleak, Argitxu Noblia euskaltzaleak, Peio Uhalde enpresariak eta Philippe Ezkurra musikariak jaso dituzte euskal kultura eta euskara sustatzeagatik Alkartasuna fundazioak urtero ematen dituen sariak.
"Euskal Herriko zenbait jendek eta kolektibok gure hizkuntzaren eta kulturaren alde egindako lana azpimarratzeko sortutako sarien laugarren aldi honetan, Alkartasuna Fundazioak aitortu egin nahi du lau saridunek gizartearen zerbitzura egin duten ibilbide luzea", adierazi du elkarteak.
Sarituei Nestor Basterretxea eskultoreak diseinatutako Ohore-dominak eman dizkie Jose Fernando Ibiltzieta Alkartasuna fundazioko presidenteak.
