Bost talde ariko dira Becatu festibalean

MUSIKA. Berri Txarrak, Esne Beltza, Zea Mays, Willis Drummond eta Zuloak taldeak ariko dira Becatu festibalean. Azaroaren 10ean egingo da jaialdia —«euskaraz sortzen duten taldeekin BEC bezalako areto erraldoiak bete daitezkeela frogatzera datorrena», antolatzaileen esanetan—, Barakaldoko Bizkaia Arenan, eta ateak 18:00etan zabalduko dira. Sarrerak 17 euro balio du aurrez erosita, eta 20 euro bertan erosiz gero.