Bruce Springsteenek ekainaren 2an Donostian kontzertua emango du, gaur baieztatu denez. Haren mundu birako emanaldietako bat izango da Donostiakoa. Anoeta estadioan ariko da, 21:00etatik aurrera.
Emanaldi horretako sarrerak abenduaren 2an aterako dituzte saltzera, 10:00etan. Doctormusic.com eta www.ticketmaster.es webguneetan, 902 15 00 25 telefono zenbakira deituta eta Fnac eta Carrefour saltokietan baino ez dituzte salduko.
Salneurriak: pistakoa 65 euro, aulkietakoa 83, 80, 74, 68 eta 65ekoak. Buruko sei sarrera salduko dituzte gehienez.
