COVID-19ak eragindako aparteko egoera eta kultur ekitaldiak antolatu eta garatzeko agintariek ezarritako osasun neurriak direla eta, Kursaal Eszenak Donostian ekainerako aurreikusita zeukan programazioa bertan behera gelditu da da. Hala, Bryan Ferry musikari britainiarrak ekainaren 22an eskaintzekoa zuen kontzertua urtebete atzeratu da, eta 2021eko ekainaren 22an izango da. Ekainaren 30ean egitekoa zen Wilcoren kontzertua ere datorren urtera atzeratu da eta, beraz, 2021eko ekainaren 15ean izango da AEBetako banda horretaz gozatzeko aukera. Azkenik, ekainaren 19rako aurreikusita zegoen Zucchero italiarraren emanaldia bertan behera gelditu da.
Bryan Ferry eta Wilcoren kontzertuetarako gaurdaino eskuratutako sarrerak balekoak izango dira datorren urteko data berrietarako. Sarreren zenbatekoa itzultzeko eskatu nahi duten lagunek, aldiz, [email protected] posta elektronikora idatzi beharko dute eskaria eginez. Itzulketa eskatzeko epea azaroaren 30era artekoa izango da.
Bertan behera gelditu den Zuccheroren kontzerturako sarrerak Internet bidez erosi zituzten lagunei automatikoki itzuliko zaie dirua. Sarrerak leihatilan eskuratu zituztenek, berriz, [email protected] posta elektronikora idatzi beharko dute, eta euren datuak adierazi.
