Carlos Mugiro izango da Donostiako zinema eskola berriaren zuzendaria

ZINEMA. Gipuzkoako Aldundiak sustatuta Donostiako Tabakaleran zabalduko duten zinema eskola berriak badu zuzendaria. Bost proposamen aurkeztu dira lehiaketa publikora, eta Carlos Mugirorena aukeratu dute. 1966an jaio zen, Elizondon (Nafarroa), eta Ikuspuntu jaialdiaren sortzailea da, eta egun Zinema Dokumentalaren arloko burua Madrilgo Zinema Eskolan eta irakaslea Nafarroako Unibertsitatean.