Charlie Baty estatubatuarrak jantziko du aurten blues jaialdiaren sari nagusia, txapela. 1976an sortu zuen Little Charlie & The Nightcats banda bere belaunaldiko blues gitarra jotzailerik onenetakotzat jotakoak. Uztailaren 15ean, larunbatean, emango diote ohorezko saria, Bentako agertoki nagusian; JW. Jones izango du lagun oholtzan Batyk.
Euskal Herriko zein nazioarteko hamasei banda elkartuko ditu jaialdiak. Besteak beste, taldeok izango dira Hondarribian: Annika Chambers, The Stars from the Commitments, Headline Blues Band, The JB's James Brown Original Band, Belcebleues, Star Blues, White Towels Blues Band, Kenny Neal, Marco Marchi & The Mojo Workers, Willie Walker eta Zac Harmon.
Lau kontzertu gune izango ditu, eta, ohi bezala, ekitaldi pedagogikoak ere antolatu dituzte Itsas Etxean.
