Covite elkarteak ETBko zuzendari nagusi Maite Iturberi eskatu dio Pirritx eta Porrotx pailazoen saiorik ez eskaintzeko. Idatzi baten bitartez zuzendu zaio Consuelo Ordoñez Coviteko presidentea ETBko zuzendariari, ETB pailazoekin negoziazioak egiten ari zela jakitean.
Ordoñezek adierazi du “beren irudia” erabiltzen dutela txikienak “posizio sektario eta lerratua” duten aldarrikapen politikoekin “intoxikatzeko”. Gaineratu du pailazo horiek ez dutela “oztoporik azaltzen umeen zaurgarritasunaz aprobetxatu eta ETA erakundea eta bere ingurua biktimatzat jotzeko”.
