'Da Nola'

Ahots eta kantaera bikainak ditu Mikel Inuziaga Inun musikari zornotzarrak, sendoak, sarkorrak, ezin hobeak pop intimistaren zein epikoaren ukituak dituen kantu sorta hau bide onetik eramateko. Bigarren diskoa du Da Nola, eta oraingo honetanzabaldu egin du kantuen kolore-multzoa. Crooner baten moduan imajina dezakezu, pop talde efektibo eta trebe baten laguntzarekin, bide estandarretan sartu-irtenak egiten, kantuei ukitu pertsonala emanez, bide berriegiak saiatu gabe, baina oso modu konbintzentean. Eta hori guztia, diskoko tresna gehienak berak jo dituela kontuan hartuta. Lan oso entzungarria egin du Inunek, benetan. Saiatzea merezi du.