Daniel Txopitearen hogei obra jasoko ditu Gordailuak

ARTEA. Daniel Txopitea margolariaren hogei obrak Gordailuan Gipuzkoako Foru Aldundiaren Ondare Bildumen Zentroan hartuko dute aterpe. 1973. eta 1996. urteen artean margotutako lanak dira, eta zaharberritu egingo dituzte horietako batzuk. Margolanak hamar urtez Gordailuan gordetzeko hitzarmena sinatu zuten atzo artistaren familiak eta Denis Itxaso Kultura diputatuak.