Donostia 2016ko kultur hiriburu izendatzearen aurka egin zuen Burgosko Udalak. Espainiako Kultura Ministerioak atzera bota zuen, 2012ko otsailaren 7an, Donostia kultur hiriburu izendatzearen inguruko hainbat erabakiren aurka Burgosek jarritako helegitea, eta ondoren, urte bereko apirilean, Madrilgo Justizia Auzitegi Nagusiak ez zuen onartu helegitea, Espainiako Justizia auziaz erabakirik hartzeko ez-gai dela argudiatuta.
Auzitegi Gorenak gogoratu du Donostia 2016ko kultur hiriburu izendatzeko erabakia Europako Batasunak hartu zuela, eta administrazio ekinbideak ez dituela Espainiako administrazioak ezarri. Horrekin batera, dio Espainiako administrazioaren lana tramitezkoa izan dela, eta Europako hautaketa batzordeak proposatutakoa abian jartzera mugatu dela bere lana.
