COVID-19 gaitzak eragindako krisiaren ondorioz, bertan behera utzi ditu Donostia Kulturak ekainerako Viktoria Eugenia antzokian programatuta zeuden ikuskizunak.
Honako hauek ziren aurreikusitako emanaldiak
Ekainak 13: Josu Okiñena
Ekainak 20: Jean Phillype Sylvestre
Ekainak 22: Amoria & Dolore: Elkano, Lehen mundubira
Ekainak 28: Ensemble Siciliano
Ekainak 30: Juan Carlos Fernandez-Nieto
Sarrerak Internet bidez erosi zituztenei automatikoki itzuliko zaie dirua apirilaren 29tik aurrera. Leihatilan erositako sarrerak, aldiz, txarteldegian bertan itzuli beharko dira Donostia Kulturak antzokiak berriz zabaltzen dituenean.
Bestalde, Mojo Workin’ jaialdirako sarrerak edo abonamenduak dituztenek kode batengatik trukatu ahal izango dituzte, www.mojoworkinfestival.com webgunean inprimaki bat beteta; kode horrek jaialdiko aurtengo artistek martxoaren 13an eman zuten kontzertua eta jaialdiaren aurreko edizioetako hainbat kontzertu online ikusteko aukera ematen du. Sarrera edo abonamendua itzuli nahi dutenek ere webgune berean topatuko dute dirua berreskuratzeko bete beharreko inprimakia.
Itzulketei buruzko informazio gehiago nahi izanez gero, interesdunek [email protected] helbidera idatzi ahal izango dute.
