Donostiako 59. Zinemaldia

SAIL OFIZIALA

'La voz dormida'. Espainiako gerra zibilaren ondoren, Hortensia atxilotu egingo dute, klandestinitatean borrokan jarraitzen duen Fernado senarrari laguntza emateagatik. Heriotza zigorra ezarriko diote, baina haurdun dago, eta haurra jaio arte ez dute hilko. Hortensiaren ahizpa, Pepita, egunero joango da kartzelara, eta jaioberriaren ardura lortzen saiatuko da.

'11 Flowers '. 11 urteko Wang Hanek ihesean dabilen hiltzaile batekin topo egingo du basoan. Gaizkilea zaurituta dago, etaospa egiten lagun diezaion eskatuko dio. Ikaratuta eta txundituta, Wang Han eta lagunek inori ez diela ezer kontatuko aginduko die. Bitartean, inguruak poliziaz beteko dira, eta ikastetxean gauza arraroak gertatzen hasiko dira.

ZABALTEGI

'Sangue do meu sangue'. Marciak bi seme-alaba ditu, eta Ivete ahizparekin bizi da Lisboako aldirietan. Alabak ezkondutako gizonezko batekin maitemindu dela esango dio, eta sendia mehatxuan dagoela sentituko du gainera. Semea, berriz, droga trafikoan dabil. Poliziak harrapatu egingo du, eta Ivetek lagundu beharko dio.

'Wild Bill'. Kartzelatik ateratzean, apenas ezagutzen dituen bi semeren kargu egin beharko du Bill Wardek. Ahal duen guztia egingo du aita ona izateko; seme gazteena, ordea,bere garai bateko gaizkile bandarekin elkartzen da, eta orduan erakutsi egin beharko die zer-nolako aita eta pertsona den.

'Tyrannosaur'. Joseph alargun alkoholikoak indarkeriarako joera du, eta Hannak erredimitzeko itxaropena piztuko du bere baitan. Kristau karitateko langilea da bera, baina Joseph laster ohartuko da Hannaren bizitza ez dela dirudien bezain barea eta leku ilunenetan aurki daitekeela adiskidetasuna eta maitasuna.

HORIZONTES LATINOS

'Todos tus muertos'.Hauteskunde eguna da herrian, baina Salvadorri ez zaio askorik axola, eta, egunero bezala, sorora doa. Ohartuko da, ordea, baten batek giza gorpuak bota dituela bere artadietara. Herrira joango da sarraskia salatzera, baina alkateak eta polizia buruak ez die gertatutakoa inori jakinarazi nahi, bozak direla eta.