Eddie Campbell gonbidatu dute Getxoko azokara

KOMIKIA. Getxoko XI. Komiki Azoka egingo da azaroaren 23tik 25era bitartean, eta Eddie Campbell eta Miguelanxo Prado komikilariak dira gonbidatuko dituzten artista ezagunen artean antolatzaileek jakinarazi dituzten aurreneko biak. Campbell eskoziarra 70eko hamarkadan hasi zen ilustrazioak egiten, eta From Hell eleberri grafikoa da haren lan ezagunena. Prado galiziarra, berriz, Alph Art saria irabazitakoa da, adibidez.