Egiaren eta Callejaren liburu bana plazaratu du Elkarrek

LITERATURA. Lutxo Egiak eta Seve Callejak zortzi urtetik gorakoentzat idatziriko liburu bana argitaratu du Elkarrek: Atzeraka nabil eta Kanpokoa naiz eta zer. Atzeraka ibiltzea erabakitzen duen neskato baten istorioari buruzkoa da Egiaren lana; eta, gurasoak Bolivian utzita, Euskal Herrian bizi den mutil batena Callejarena. Eider Eibarrek egin ditu bi liburuotako marrazkiak.