Euskal Herria Zuzenean elkarteak datorren uztailean ospatuko den jaialdiaren egitaraua aurkeztu du gaur. Otsailean jada aurreratu zituzten izen batzuk: Public Enemy, Sepultura, Bloody Beetroots, Bebe eta Esne Beltza. Gaur aurkeztu dute baina egitarau osoa. Heletan (Lapurdi) izango dira, besteak beste, Raggasonic, Whomadewho, The Abyssinians, Miyavi, Danakil, Gojira, We are Standard, 17 hippies, Su ta Gar, Matxura, Cobra eta Youssoupha.
Jaialdia ekainaren 29an eta 30ean eta uztailaren 1ean ospatuko da Heletan (Lapurdi). Musikaz gain, hitzaldiak, zinea, azoka, etab. izango dira. Sarrerak webgunean eskuratu daitezke.
