Egokitzapenaren ondorioz, 71 milioi eurotik 56 milioi eurora

Egoera ekonomikoaren ondorioz, Tabakalerako egitasmoa «berdimentsionatzea» erabaki zuten erakundeek. Hasieran, Tabakalerak71 milioi euroko aurrekontua zuen, baina onartutako egokitzapenaren ondorioz, 56 milioi eurokoa izango du, «dena barne delarik», Haritz Azkarragak atzo azaldu zuenez. Baina eraikinak izango dituen metro koadro erabilgarrien aldetik, oso txikia izango da murrizketa: 37.755 metro koadrotik37.000 metro koadrora jaitsiko da azalera erabilgarria.