Eusko Jaurlaritzak gaur iragarri ditu Euskadi literatur sarien lehen irabazleak: euskarazko literaturaren atalean, Eider Rodriguez saritu dute, Bihotz handiegia lanagatik. "Pertsonaia arrunt eta konplexuen izaera eta horien barne mundua aztertzen duen narrazio liburu interesgarria da Bihotz handiegia. Eider Rodriguezek pertsonaia makurrak eraikitzen ditu modu originalean, gizakiaren makurdura ezkutuaren bila abiatzeko", azaldu du epaimahaiak.
Literatura lanaren ilustrazioan, Yolanda Mosquerarentzat izan da saria, La pequeña Roque (Guy Maupassant) laneko irudiengatik; eta gaztelaniazko saiakeraren atalean, Santos Zunzunegirentzat, Bajo el Signo de la Melancolía lanarengatik.
Hona hemen BERRIAk martxoan Rodriguezi egindako elkarrizketa.
