Sergei Eisenstein zinemagilearen Oktyabr (Urria) 1928ko film historiko eta mitikoaren bertsio zaharberritua estreinatuko dute Berlingo zinema jaialdian, otsailaren 10ean. Municheko, Berlingo eta Amsterdamgo filmotekek hartu dute parte zaharberritze lanetan. 1917ko urriko iraultza komunistaren hamargarren urteurrenaren ospakizunetarako enkargatu zioten filma Eisensteini, baina ezin izan zuten 1928ra arte estreinatu, eszena batzuek eztabaidak piztu zituztelako. Hiru urte lehenago, Bronensets Potiomkin (Potemkin korazatua) estreinatu zuen Eisensteinek, zinemagintzaren historian garrantzi handikotzat jotzen den beste film bat.
Ametsen fabrika gorria atzera begirako zikloaren barruan emango dute Eisensteinen Oktyabr Berlinalen. Jaialdia otsailaren 9an hasiko da, Benoit Jacquot eta Diane Krugerren Les adieux à la reine filmaren emanaldiarekin.
Zinema. Estreinaldiak
Eisensteinen 'Oktyabr' bertsio zaharberrituan estreinatuko dute Berlinalen
Municheko, Berlingo eta Amsterdamgo filmotekek berriztatu dute 1917ko urriko iraultzari buruzko lana
Iruzkinak
Ez dago iruzkinik
Ordenatu
