Idazle gazteentzako saria da Igartza, Elkar argitaletxeak, Beasaingo Udalak eta CAF enpresak sustaturikoa, eta aurten Ekaitz Goienetxea (Miarritze, 1982) idazle eta kazetariaren Karramarroa trostan eleberri proiektua saritu du. Ana Jakak, Igor Estankonak eta Peru Magdalenak osatu dute epaimahaia.
1980ko hamarkadan dago girotua eleberri proiektuaren kontakizuna, Bizkaiko kostaldeko herri batean hain zuzen ere, eta garai hartan drogak, eta batik bat heroinak, herrian izan zuten eragina kontatzen du. Nolanahi ere, gaur egungo begiradatik kontatua egongo da istorioa.
