El_Txef_A, dantzarako errezeta gozoak Gernikatik

Ostegun eguerdian jaialdiko lehen doinuak jartzea egokitu zitzaion, festazale goiztiarrenei irribarre bat margotu eta lehenbailehen mugiarazteko. Aitor Etxeberria gernikarrak aise kunplitu zuen betebeharra, Slow dancing in a burning roombere azken diskoko abestiak eta lehenago plazaratutako beste batzuk nahastuta. Boladan dagoen baina sekula boladaz pasatzen ez den house sakona da harena, bai lasai entzuteko eta bai pistarako balio duena. Ederki usaindu zuten hori Sonar-aren antolakuntzakoek, goizeko saioaren ondoren gauekora ere gonbidatu baitzuten iragarri gabe, lehen dantza pausoak harekin egin zituztenen gozamenerako.