EOSen kontzertua gaur Euskalduna jauregian

MUSIKA. Euskadiko Orkestra Sinfonikoak, EOSek, kontzertu bat emango du gaur Bilbon, Euskalduna jauregian, 20:00etan. Aurrena, Felix Mendelssohnen Udako gau bateko ametsa joko du. Gero, Sophie Koch mezzosopranoak Berliozen Udako gauak interpretatuko du, eta, bukatzeko, Yan Pascal Tortelier zuzendari gonbidatuaren gidaritzapean, Ratxmaninoven Bigarren sinfonia joko du EOSek.