Euskal Herriko eraikuntza zaharrenetakoa izan daitekeen Erdi Aroko ezkutuko herri bat aurkitu dute Trebiñuko udalerrian. Argantzungo gazteluaren ondoan dago, eta IX. eta X. mendeetan okupatu zuten. EHUko Ondare eta Paisaia Kulturalen Ikerketa taldeak topatu du herria, eta, haien esanetan, aurkikuntza garrantzitsua da, izan ere, gaztelua Euskal Herriko zaharrenetakoa da. Ikerketa taldeak azaldu duenez, herria gazteluratze moduan eraiki zuten; eraikitzeko estilo hori bakarrik gazteluari aitortu zitzaion orain arte. EHUko Geografia, Historiaurre eta Arkeologia Saileko arkeologiako katedradun Juan Antonio Quirosek zuzendu du ikerketa. Azaldu dutenez, eraikin ugarik osatzen dute herria. Bi metro inguruko zabalerarekin eta hiru metro inguruko altuerarekin egindako dorre angeluzuzena gailentzen da, silarrixkako egoitzarekin batera. Horrez gain, zeramika, janari hondakinak, txanponak eta apaingarriak ere aurkitu dituzte.
Gazteluaren aurrekoa
Ikerketa taldearen esanetan, herria 1350. urte inguruan utzi zuten, eta bertako harriekin eraiki zuten gaztelua. Ikerketa talde berak aurkitu zuen gaztelua, 2007. eta 2009. urteen artean. Erdi Aroko herriaren aurkikuntzak argitaratuko ditu Archeologia Medievale Italiako aldizkariak.
Erdi Aroko ezkutuko herria aurkitu dute Argantzunen
Trebiñuko gazteluaren ondoan topatutako etxebizitzen arrastoak IX. eta X. mendeetan okupatu zituzten
Iruzkinak
Ez dago iruzkinik
Ordenatu
