'Esanen aduanan' izango da gaur Arriaga antzokian

LITERATURA. Literatura eta Musika Euskaraz zikloaren barruan, Esanen aduanan ikuskizuna izango da gaur Bilboko Arriaga antzokian. Miren Agur Meabe, Leire Bilbao eta Yolanda Arrietak eurek landutako testuak irakurriko dituzte, Esther Gabiola soinuarekin nahiz biolinarekin eta Uritze Laka txirularekin lagun dituztela. Arriagako foyerrean izango da emanaldia, 20:00etan.