Gaurtik asteazkenera bitartean, Durangoko Euskal Liburu eta Disko Azoka dela eta, Plateruena kafe antzokiak euskal talde eta bakarlarien kontzertuak hartuko ditu egunero, eguerdiz zein gauez. Esne Beltza taldeak DVD bat grabatzeko baliatuko du gaur gaueko emanaldia. Noa (Baga Biga) bigarren diskoa aurkezteko biraren azken-aurreko emanaldia izango da, eta bertan parte hartuko dute diskoko kolaboratzaileetako batzuek. Horien artean izango dira El Bola abeslari boliviarra, Flavio italiarra, Yacine aljeriarra, Zpeiz Mukaki dantzariak, Porrotx pailazoa, Jon Maia bertsolaria...
Birako azken kontzertua Elizondoko Lur aretoan emango du bihar Esne Beltzak.
Esne Beltzak zuzeneko emanaldia grabatuko du gaur, Durangon
'Noa' diskoa aurkezteko biraren azken-aurreko emanaldia izango da, eta hainbat gonbidatu izango dira agertokian
Iruzkinak
Ez dago iruzkinik
Ordenatu
