ETAren amaieraz gogoeta egin dute Eterio Ortega eta Elias Kerejetak

GALen eta ETAren biktima bana, euskal preso baten emaztea, preso ohi bat, oraindik preso dagoen ETAko kide ohi bat eta elizgizon bat agertzen dira euskal gatazkari buruzko Al final del tunel: Bakerantza dokumentalean. Euren istorio pertsonalak kontatzeaz gain, indarkeriari buruz gogoeta egiten duten sei protagonistek. Eterio Ortega Santillanak idatzi eta filmatutako lana gaur estreinatuko da Zinemaldiko Zabaltegi sailean. Zuzendari espainiarrak Elias Kerejeta ekoizlearen ideia batean oinarrituta egin du filma, eta honen estreinaldiarekin, amaitutzat eman dute bien arteko kolaboraziotik sortutako euskal gatazkaren inguruko trilogia. Hau baino lehen, Ortegak Asesinato en febrero (2001) etaPerseguidos (2004) zuzendu ditu, ETAren biktimei buruzkoak.

Ikuspegi desberdinetatik, filmeko pertsonaia guztiek ideia berari heltzen diete, Ortegaren arabera. «Denek uste dute indarkeriaren amaiera beharrezkoa dela». Filmean ez da argi azaltzen nortzuk diren pertsonaiak, nahiz eta «susma daitekeen». Ortegak azaldu duenez, hauek identifikatzea saihestu du, «kontaera zinematografiko» bat garatzeko asmotan. Kerejeta orain dela bost urte hasi zen proiektuari bueltak ematen, eta ezker abertzalearekinizandako kontaktuetatik ondorio argia atera zuen: bakeak ez duela atzera bueltarik.