Etxekopar eta Vissler elkarrekin ariko dira

IKUSKIZUNA. Musika, kantua, olerkia, antzerkia eta instalazio soinudunak uztartuz, ikuskizuna eskainiko dute Mixel Etxekopar musikariak eta Pierre Vissler pailazoak bihar arratsean Donibane Lohizunen (Lapurdi).Paul Jovet Baratze Botanikoan emango dute ikuskizuna artista zuberotarrek, Artxiluako itsaslabarraren gainean, eta sartzea doakoa izango da. Euskal Kultur Erakundearen lankidetzaz egingo da ekitaldia.