Etxepare Institutuak eta AIEk lankidetza hitzarmena sinatu dute

Artista, Interprete eta Jotzaileen Elkarteak (AIE) eta Etxepare Institutuak lankide hitzarmena sinatu zuten atzo Madrilen, eta hori Artistas en Ruta programaren barruan garatuko da. Hartara, Jabier Muguruza, Jon Urrutia Trio, Smile eta Sumision City Blues euskal taldeak aukeratu dituzte apirila-ekaina hiruhilerako. «Balio artistiko berriei adierazpide esparru berriak eskaintzea» eta «neguko zirkuitu sendo bat sortzea» dira hitzarmenaren helburuak. Bi estilokoak izan beharra daukate aukeratuek: pop rockeko kantautoreak, edo jazz, musika berriak eta sustrai musikakoak.