Nabarraldek antolatuta, hilaren 16tik 18ra Euskal Herriko historialarien II. biltzarra burutuko da Oñatiko Unibertsitatean (Gipuzkoa). Nafarroako Erresumaren mendebaldeko lurraldeen eta Nafarroako Estatuaren arteko harremana aztertuko dute eta etzi amaituko da izena emateko epea (948-211057 telefono zenbakian).
Hiru egunetan hainbat hitzaldi emango dituzte biltzarrera gonbidatuta daudenek, eta liburu aurkezpena eta mendi irteera ere izango da, azken hori Iñaki Sagredo historialariaren eskutik, Aitzorrotzeko gaztelura. Hizlarien artean Juan Antonio Urbeltz, Floren Aoiz, Amaia Nausia, Amaia Basterretxea, Lourdes Soria eta Bixente Serrano-Izko izango dira, beste batzuen artean.
