Etzi hasiko da Zinema eta Emakumeak erakustaldia, Iruñean

Hogeita seigarren aldia du aurtengoa Iruñeko Nazioarteko Zinema eta Emakumeak erakustaldiak. Etzi hasi eta hilaren 14ra arte emakumeek sortutako bost film luze, bi dokumental eta hainbat film labur emango dituzte Iruñeko Golem zinemetan.

Estreinaldiak dira haietariko bost. Els nens salvatges (Ume basatiak) filma —nerabeen eta haien inguruaren arteko harreman gatazkatsua aztertzen du—,Elles —luxuzko prostituzioaren gaia lantzen du—, Historias que só existem quando lembradas, Sur le planche eta Sykt Lykkelig.

Zinema adituak izango dira saio guztietan filmak aurkezten, eta eztabaidak izango dira gero.