Euskadi Literatura Sarietako euskarazko finalistak Atxaga, Juaristi eta Muñoz dira

Euskadi Literatura Sarietako finalistak zein izango diren jakinarazi du gaur epaimahaiak. Euskarazko finalistak hiru dira: Bernardo Atxaga 'Soinujolearen Semea' nobelagatik, Felipe Juaristi 'Airezko emakumeak' lanagatik, eta Jokin Muñoz 'Bizia lo' lanagatik. Gaztelerazko sailean, berriz, sei hauek dira finalistak: Fernando Luis Chivite 'La fuga de todo' lanagatik, Luis Duran 'Antoine de las tormentas' lanagatik, Eduardo Gil Bera 'Historia de las malas ideas' lanagatik, Fernando Marias 'La mujer de las alas grises' lanagatik, Fernando Savater 'Mira por donde: autobiografia razonada' lanagatik, eta Eli Tolaretxipi 'Los lazos del numero' lanagatik.