EUSKALTZAIN HIL BERRIEI OMENALDIA

Iaz zendutako lau euskaltzain omendu zituen atzo Euskaltzaindiak Bilbon. Vahan Sarkisian (1954-2011) Armeniako idazle, irakasle eta itzultzailearen omenezko hilberri txostena irakurri zuen Xabier Kintana euskaltzainak. Joseba Intxausti ohorezko euskaltzainak Fernando Mendizabalen (1934-2011) bizitzako unerik adierazgarrienak gogoratu zituen, eta Jose Luis Lizundia eta Joan Mari Torrealdai euskaltzainek Jose Antonio Arana Martijaren (1931-2011) lana omendu zuten, Begoña Arana arrebarekin batera. Azkenik, Lizundiak eta Kintanak Xabier Gereño (1924-2011) ohorezko euskaltzainak euskararen alde egindako lana eskertu zuten.