EUSKALTZAINDIAREN NAZIOARTEKO BILTZARRA. ONDORIOAK. Veleiako taldeak «oso larritzat» jo ditu Gorrotxategiren hitzak

Iruña-Veleia indusketaren ikerketa taldeak «oso larritzat» jo ditu Joakin Gorrotxategik jakinarazi zituen susmoak, eta iruzur hitza aipatu izanak hainbat adituren artean osatu den ikerketa batzordearentzat «eragin oso larria» izango duela azpimarratu du. Gorrotxategik susmoak agertu ditu ustezko euskal hitzen inguruan, eta «iruzur lotsagarri bezain penagarria» ez ote zen izango esan zuen astelehenean. Eliseo Gilek zuzentzen duen arkeologo taldeak uste du adierazpenek haien profesionaltasunean eta prestutasunean kalteak eragin diutela, eta iruzurraren eta ikerketa taldearen arteko lotura iradokitzen dutela. «Mingarria da», esan dute.