Euskararen Nazioarteko Eguna dela eta, Dantza filmaren kartela euskaraz plazaratu dute Txintxua Films ekoizpen etxeak.
Abenduaren 21ean estreinatuko da Telmo Esnalen Dantza Euskal Herriko zinema aretoetan. Aurretik, ordea, ikusigai izango da Durangoko Azokako lehen egunean, asteazkenean. Aurresetreinaldian izango dira filmeko egileak ere.
Ez da filmarekin lotutako ekimen bakarra izango, hala ere. Larunbatean mahai-ingurua egingo dute Gerediaga gunean. Bertan hartuko dute parte Esnalek berak eta Juan Antonio Urbeltz koreografoak, besteak beste.
