Euskarazko bi antzerki obra estreinatuko dituzte udan Donostian

Euskarazko bi antzerki obra estreinatuko dituzte Donostiako Udalak aurtengo udarako atondu duen antzerki programazioan: Iker Galartza eta Joseba Usabiagaren Erreleboa eta Tanttaka konpainiaren Bejondaigula, Ramon Agirre eta Niko Lizeaga aktoreek antzeztua. Gaztelaniazko bi obra ere estreinatuko dituzte: Para lo que hay que vivir... mejor no morirse nunca, Gorka Otxoa eta Carla Hidalgo aktoreekin; eta Testigo de cargo, Agatha Christieren obra batean oinarritua, Manuel Galiana, Paca Gabaldon eta Lara Dibildos aktoreekin.

Musikaren arloari dagokionez, Eleftheria Arvanitaki greziar kantariaren eta Calexico AEBetako taldearen emanaldiak iragarri ditu, besteak beste, Miguel Martin Donostia Kulturako musika programazioaren arduradunak, urrirako lehena eta azaroaren 10erako bigarrena; duela bi urte bezala, Viktoria Eugenia antzokian ariko da Calexico. Wim Mertens azaroaren 29an ariko da Viktoria Eugenian bertan.