Faith Akinen 'Gegen die wand' filmari eman diote Berlinaleko Urrezko Hartza

Faith Akin jatorri turkiarreko zuzendari alemaniarraren 'Gegen die wand' (Zauriaren kontra) filmari eman diote aurtengo Berlinaleko sari nagusia, hots, Urrezko hartza. Daniel Burman argentinarraren 'El abrazo partido' (Besarkada apurtua) filmak, berriz, Epaimahaiaren Sari Handia jaso du. Aktore onenak saritzeko banatzen diren Zilarrezko Hartza, berriz, 'El abrazo partidoko' rol nagusia jokatzen duen Daniel Hendleri eman diote gizonezkoen atalean, eta emakumezkoena, Charlize Theronek eta Catalina Sandino Morenok jaso dute 'ex aequo'. Theronek 'Monsters' (Munstroak) filman egindako lanagatik, eta Sandinok 'Maria, llena eres de gracia' (Maria, graziaz betea) filmagatik.