Felix de Guarania idazle paraguaiarra hil da

LITERATURA. Guarani hizkuntzan idatzitako literaturaren sortzaile nabarmenetako bat hil zen atzo, Felix de Guarania. Poesia, antzerkia, itzulpengintza, hiztegigintza eta beste hainbat arlo jorratu zituen 80tik gora liburuz osatutako obran. Alderdi Komunistako kidea zen eta horregatik Argentinan, Kuban eta Errusian bizi zen Alfredo Stroessneren diktadura garaian. 86 urte zituen.